నల్లగొండ, రంగారెడ్డి జెడ్పీల్లో కాంగ్రెస్ పాగా

హైదరాబాద్: నల్లగొండ, రంగారెడ్డి జిల్లాల్లో జెడ్పీటీసీ ఎన్నికల్లో ‘హస్త’వాసి భాగా కనిపించింది. ఈ రెండు జిల్లా పరిషత్‌లలో కాంగ్రెస్‌పార్టీ పాగా వేసింది. నల్లగొండ జిల్లాల్లో మొత్తం 59 జెడ్పీటీసీ స్థానాలకుగాను కాంగ్రెస్‌పార్టీ 32 జెడ్పీటీసీ స్థానాల్లో గెలుపొంది జెడ్పీ పీఠాన్ని దక్కించుకుంది. టీఆర్‌ఎస్ 13 సీట్లలో గెలిచింది. టీడీపీ-1, ఇతరులు-2 స్థానాల్లో గెలుపొందారు. రంగారెడ్డి జిల్లాలో మొత్తం 33 జెడ్పీటీసీ స్థానాలకుగాను కాంగ్రెస్ 17 స్థానాల్లో నెగ్గింది జెడ్పీ పీఠాన్ని చేజిక్కించుకుంది. టీఆర్‌ఎస్ 13 స్థానాల్లో విజయం సాధించింది. టీడీపీ 3 స్థానాలకే పరిమితమైంది.